中醫看運動身癢

平時少做運動，忽然有決心落到公園裏跑步，怎料，跑左一陣就全身發痕，令人沮喪。中醫點睇呢個問題?

首先，我們要了解一下運動發癢的機理：運動時， 需要大量的血液輸送到全身肌肉，微血管會擴張，讓血液進入肌肉，擴張時就會刺激到周邊神經而有癢的感覺。

表面看， 就好像中醫講的風邪。即係風邪侵襲人體，與濕熱相搏，內不得疏泄，外不得透達，鬱于肌膚腠理之間而發。

但臨床見， 這種體質比較多是虛寒夾雜， 當中必有瘀。 比起傳統的袪風藥， 用上去瘀藥更為有效。 我思考是先讓微絲血管循環好， 就可以令到運動之時， 身體不用突然有咁大的變化。這樣， 痕得無咁利害， 再堅持一下運動， 就不會再有這個問題。

臨床上比較有用的是山楂、紅花、荊芥、 夜交藤、鈎藤、茜草、 紫草等複方同用。 如痕得利害， 體質偏熱， 適當加些大青葉、板藍根，減低身體過敏反應，效果更佳。

《張醫師心底話》