婆婆A, 88歲

前天始鼻塞流清涕, 自行服「銀翹散」, 鼻水止了, 咽喉卻很乾, 好唔舒服, 女兒致電給她說:「您又自己當自己係醫生~ 唔好亂來啦~ 食錯就大件事!」

婆婆諗真D, 上次感冒攪左半年, 來醫天圓食左4劑就好返。今次都係快D來醫天圓睇病。

我用電筒一照, 咽喉都紅到不得了! 

就話: 「剛發的感冒多是”風寒”, 「銀翹散」是清”風熱”的, 加上您是老人家, 身體對”風”的反應多數無咩”熱能” , 沒有需要清熱, 反而寒涼的藥會將D 風邪好似淋水咁樣困係咽喉度, 

您會越來越痛, 此時再食抗生藥會仲困多D, 呢個時候要食中藥「解困」..將D 風邪放返出來~

我開了: 小柴胡湯 減法夏, 加牛子、藿香、佩蘭、天花粉、木蝴蝶….

翌日, 呀婆神采飛揚咁來到診室, 話我很有遠見, 佢返到屋企就始喉嚨痛, 食左D 中藥就好返好多, 好精神。晚上同美國住女兒傾電話, 得知佢咳左一個月, 睇極醫生都唔好, 就上來要配藥給囡囡, 專門「寄」過去。

聽佢講的症狀, 似寒咳多。一般首診都到把把脈, 但佢苦苦相請, 個囡睇左成個月西醫都唔好, 見佢咁著緊, 我都答應了。

第二日, 又上來一個婆婆B(65歲)

原來婆婆B 同婆婆A 飲茶, 知道佢感冒好左, 自己感冒左半年都未好, 所以上來一試。

婆婆B 仲得意可愛, 話聞到煲中藥的味就想嘔, 但係依家食西藥都食到嘔, 故特意來「開藥粉」

婆婆B 患的, 其實是婆婆A 的延伸, 風邪被寒涼的藥困住了, 我又開藥解困。

處方: 柴胡桂枝湯加 , 加杏二、法夏、陳皮、甘草、蘇葉、秦艽。

 

其實, 大部份的感冒, 飲多D 水, 休息多D 、食清淡D , 熱水泡腳, 出一身汗, 風邪解了就會好返。(當然, 疫症除外啦)

反而, 用寒藥將 D 風邪 「困」住, 一個感冒, 隨時煩足半年。

 

一個開開心心的婆婆, 比個感冒煩足半年, 真係好無辜。其實呢D 道理, 很多中醫都知道, 我都不斷同D基督徒西醫朋友講, 希望越來越多人明白呢D 道理, 讓人類更快樂!

 

後記: 婆婆來電告知美國的囡囡服中藥後咳嗽完全康復~ (17/6) 

 

by 喜樂醫師